O 20 DE MARZO É O DÍA MUNDIAL DA NARRACIÓN ORAL

Baixo o título de narrativa de tradición oral poderíamos agrupar todos os relatos que vivan na tradición e usen a lingua falada como medio para presentar un acontecemento. Atopamos tantos moldes, relatos longos, breves, sinxelos e complexos, ou mitos, lendas, contos, supersticións, anécdotas e chistes, que ordenalos non xustifica o esforzo.

Mais ao relato oral engadímoslle a condición de tradicional acadada por vivir na memoria do pobo e pola súa transmisión oral en diferentes variantes da forma orixinal. Aínda que algúns relatos teñan autor, a tradición usurpa a forma primixenia, converténdoa nunha creación colectiva que vive nese propio conxunto de versións.

Parece que a iniciativa de conmemorar o Día Mundial da Narración Oral xurdiu en Suecia en 1991, e foi crecendo ata celebrarse hoxe de forma unánime na maioría de países nesta festa colectiva mundial.

Desde o ano 2013 Soledad Felloza organiza o Festival Atlántica con sede en moitas cidades e vilas de Galicia, festexando unha das grandes destrezas da cultura galega, como di o profesor Manuel Gago: a NARRACIÓN ORAL.

Diferentes espectáculos estanse celebrando en Santiago, A Coruña, Ferrol, Vigo, Ourense, Lalín e Teo. E nesta quinta edición, que comezou o pasado mércores 15 de marzo e que rematará o vindeiro domingo 19, a Biblioteca Ánxel Casal tamén será sede. O sábado 18 recibiremos na nosa Choiva de Contos a Cláudia Fonseca de Brasil co seu contacontos CONTADIÑAS.

O Festival Atlántica programa actuacións para todos os públicos e reafirma o seu carácter inclusivo coas sesións de contos para bebés e o espectáculo en lingua signada, que xa estrearan na pasada edición.

Pola nosa parte, agradecerlle ao Festival Atlántica a súa presenza na nosa Choiva de Contos e deixarvos unha pequena mostra de libros con narrativa de tradición oral presentes na nosa biblioteca.

I-N-AN (CON) amo [G vermello]

I-N-FT (CON) iri [G vermello]

I-N-FT MIR con (3) [verde]

I (CON) sab [G azul] [contos para contar]

IG-29 MIR peq

I-29 GAG ven [G]

I-N-FT MIR con(1) [verde]

I-N-FT (CON) bra [G vermello]

IG-39 REI gui [vermello]

I-N-FT MIR con [amarelo]

Dupli 3968 [Infantil]

I-N-AN MIR con(II) [verde] [Mostra tradición oral]

I-N-AN MIR con [amarelo]

I-N-AN MIR can [G vermello]

[I-N-FT MIR con(1) [verde]

I-N-FT (CON) min [G vermello]

I (CON) sab [G azul] [contos para contar]

I-N-FT (CON) ser [G vermello]

I (CON) lob [G azul] [contos para contar]

I (CON) onc [G azul] [contos para contar]

[I-N-FT MIR con(2) [verde]

 

Tamén os nosos compañeiros do segundo andar teñen preparado unha mostra bibliográfica na que a recopilación contén máis materiais sobre Tradición oral para todos os públicos.

Se queredes estar ao día sobre os diferentes espectáculos ofrecidos polo Festival Atlántica, aquí tedes o link ao seu Facebook.