OS IMPRESCINDIBLES

Xa que temos todo o verán por diante e tanto tempo para xogar, ir a praia, visitar á familia e gozar das festas, deixemos tamén un tempiño para ler. Como todos os anos, a nosa mostra bibliográfica pretende ofrecervos unha serie de recomendacións, sempre reunidas baixo algún tipo de centro de interese.

O pase de diapositivas require JavaScript.

Este ano decidimos que todos os membros da sala íamos a ofrecervos unha selección coas lecturas que máis nos gustan e que consideramos imprescindibles. Esta selección non pretende ser un canon, nin unha vara de medir, nin un modelo selecto para que os nenos e nenas sigan a nosa lista.

Nos coles seguramente é inevitable darlles aos rapaces e rapazas un repertorio canónico por necesidades pedagóxicas. Pero a nosa é unha lista de recomendacións dos libros que máis nos gustan e aínda que, en moitos deles hai moitos temas interesantes que tratar, o noso obxectivo fundamental é animar a ler polo propio atractivo da lectura.

Tentamos facer unha lista para moitas idades e moitos gustos. Non é unha selección curta, así que tedes corda para todo o verán. Desexamos que vos guste!!

Verán 2017 Imprescindibles from Pbabio